منتديات مصر بلدنا تتبنى الحريه الفكريه فلكل عضو الحق فى إبداء رأيه بحرية تامه طالما كانت فى حدود اللياقه وإحترام آراء ومعتقدات الآخرين دون خشية تعرضها للحذف سواء إتفقت أو إختلفت مع ما تراه الإداره.........شكرا لمروركم. https://www.facebook.com/groups/masrbaladna2/

الحمد لله أن أعاد لنا مصرنا الحبيبه بعد أن كشف الغمه وأنار الظلمه..عادت مصر وهانحن نعود بعد غياب عام كامل.....https://www.facebook.com/groups/masrbaladna2/ |




شركة كنوز للتسويق وتنمية المشروعات الصغيرة (احذروا منها ومن غيرها )

مطلوب ممول لمشروعات مدروسه


إضافة رد
  #1  
قديم 06-09-2015, 10:05 PM
فاعل خير فاعل خير غير متواجد حالياً
عضو جديد
 
تاريخ التسجيل: Jun 2015
المشاركات: 1
افتراضي شركة كنوز للتسويق وتنمية المشروعات الصغيرة (احذروا منها ومن غيرها )

بسم الله الرحمن الرحيم
إحذروا من الشركات التى تعمل فى التسويق وتنمية المشروعات الصغيرة
وبالأخص شركة كنوز للتسويق وتنمية المشروعات الصغيرة
باختصار أنا مش هطول عليكوا وأحب أعرف كل اللى هيطلع على المقال ده ان كل كلمة فيه صحيحه وانا والله ليس لي أى مصلحه مع اى طرف وأقسم بالله قل ما هو بالمقال صحيح وذلك بواقع تجربتى
أنا مجرد شاب مصر زى كتير من الشباب اللى ليهم طموحات و أهداف يسعوا الى تحقيقها ولهم طموحات كبيرة بس طول ما انته فى البلد دى انسى وهتفضل محلك سر ، كل اللى حصل معايه ان انا كنت أسعى وابحث عن عمل اضافى لتحسين دخلى المادى وبدأت أسعى فى البحث عن عمل إضافى لا يأخذ منى الوقت الكبير إلى أن ظهر لى إعلان فى جريدة الوسيط ونص هذا الاعلان كالآتى ( فرصة ذهبية أعمل فى منزلك .شركة عالمية تطلب للعمل من المنزل جميع الأعمار لا يشترط التفرغ ولا المؤهل ولا السن للعمل بحرفة يدوية بسيطة تنفذ بالمنزل ودخل شهرى يبدأ من 3000 جنيه ويصل الى 15000 جنيه عقد + تأمين + تثبيت . 0237219878_01090649650_01155117850 ) وعلى فكرة مش شرط الشركه دى بس لا فى شركات زيها كتير بس دى الشركه اللى انا وغيري وقعوا تحت نصبها وسرقتها لفلوسنا عينى عينك وبمساعدة ناس من الشرطة وهتعرفوا ازاى لما تكملوا المقال,
المهم أنا قريت الاعلان ده فالبتالى توجهت للشركة دى وهى اسمها " كنوز " والشركة دى فى فيصل وبالتحديد فى شارع العشرين _أما فرع اتصالات جوه شارع فرعى وأمامها مطبعه ولازم تخدوا بالكو ان الشركة دى كل شويه بتغير اسمها وبتروح مكان تانى بأسم تانى وبحرفة تانيه خالص وبسجل تجارى وبطاقه ضريبية تانيه خالص وبيبتدى نصبهم على الناس من هنا ومن النقطة دى
المهم انا رحت الشركة دى وطلعت الدور التانى لقيت اصطاف كله بنات وطبعا من بره هلا هلا ومن جوه يعلم الله وعامل بوفيه ومدرب بيدرب الناس فمليت ابليكشن ودخلت عملت مقابله مع واحده جوه وطلعت البت حافظه شوية كلام زى الفل وتثبت اى زبون اى كان هو مين والمهم بدأت تعرض عليه كل حاجه لحد لما قالتلى فى عرض نازل لمدة 24 ساعه تدفع 350 ج بدل 700 ودول تأمين المفروض ان انته بتاخدهم اخر الشهر وابقه قابلنى ان انته خدتهم اصلا وهى دى حته النصب ان بيتنصب عليك فى الفلوس دى . المهم قالتلى عشان تلحق العرض ممكن تدفع 10 جنيه تحجز بيهم ودى برضو لعبه حلوة ان هما يدفعوك 10 جنيه عشان لو مجتش تانى يقلك دى رسوم اداريه ويبقى انته اتنصب عليك فى اول عشرة جنيه , وبعد لما تخرج من عندها من المكتب البنات اللى بره بيقلولك خد اقرا الائحة دى وخدوا بالكوا ان الائحه دى اول مصيبه هو بيحطهالك ’ ازاى بقى – الورقة دى فيها ثغرات بنت لذينه بتربطك بحاجات معينه وطبعا اللى كتبهالهم واحد محامى بيشتغل معاهم ولو نظرت على يسارك فى الركن هتلاقى كاميرا بتصورك وانته بتقرا الورقه عشان لما تيجى تثبت حقك يقلك انته قريت الأئحه بتاعتنا والكاميرا مصوراك وكل حاجه انته بتعملها الكاميرات بتصورك , انا طبعا اتحددلى ميعاد تدريب يوم التلات والاربع والخميس وجيت اول يوم ودفعت باقى المبلغ اللى لازم تدفعه قبل التريب وده عشان لو مشيت يخصموا منك الفلوس واليوم تدريب واقف ب 100 جنيه يعنى التلت ايام واقفين ب 300ج وده بالاضافه الى 10 جنيه رسوم اداريه وكل الكلام ده الناس مبتخدش بالها منوا الا لما بتلبس فى الحيط , وحضرت التدريب عادى جدا أول يوم مع مدرب من اسيوط والواد ده عارف ان هما نصابين وهو بيشتغل معاهم لانه فاشل ونصاب زيهم والمهم ان انا حضرت التدريب اول يوم وروحت وجيت تانى يوم عادى جدا لقيت ناس بتسلم شغلها اللى هى عملته قبل كده وبمعنى اصح هما ادوهم عينات من الخامه وقالوا ليهم اعملوا نموذج وتعالو ورونا الشغل وطبعا النموذج ده بيترفض على طول عشان الناس تزهق وتمل وتمشى لان الناس بتكلف مصاريف كتير من جيبها فيزهقوا ويمشوا وطبعا ميخدوش ولا مليم من فلوس التأمين لان هما ماضيين على كده بس من غير ما يحسوا والمهم انا حضرت تانى يوم وانا داخل الأوضه بتاعت التدريب واحده قالتلى بلاش تدخل فى الموضوع ده قلتلها ليه قالتلى اسمع كلامى نصيحه منى وبكرة تقول ام نور قالتلى ياريتنى سمعت كلامها وانا بصراحه الحماسه كانت وخدانى زياده عن اللزوم فقلت لا انا لازم يبقى عندى حافز ومليش دعوة بغيري فدخلت حضرت المحاضرة التانيه والمهم لما خرجت قعدت مع الناس اللى بره اللى هما جايبين عينه عشان يوروهالهم لقيت الناس بتقلقنى اكتر فالمهم انا شغلت مخى شويه وياريتنى شغلته من بدري وقعدت أسأل الناس كلها وأجمع معلومات من هنا ومن هنا وألاحظ ان الواد بتاع البوفيه بيتجسس ع الناس ويسمع هما بيقولوا ايه ويروح يبلغ يعنى من الاخر شغال عصفورة ومش هو بس لأ ده المدرب وشوية البنات اللى شغالين هناك , ولاحظت حاجات كتير غلط الى أن بدأت من هنا مشكلتى الحقيقية وظهور الشركة على حقيقتها ألا وهى إن انا طلبت ان انا مكملش الشغل معاهم قالوا خلاص لو مش هتكمل هنخصم منك 200 ج وذلك نظير يومان تدريب بواقع عدد ساعتين فى اليومين يعنى الساعه ب 100 جنيه والحسابه بتحسب , وده كان الفخ اللى انا وغيري وقعوا فيه ان هما اساسا شغالين عشان خاطر الفلوس بتاعت التأمين دى وينصبوا على الناس ويخدو منهم الفلوس دى , والمهم طلبت انى اقابل مدير الشركه المسؤال وبالفعل قابلته ولما دخلت عليه انا ووحده ست كبيرة فى السن كانت عاوزة تخرج من الموضوع ده ولا تملك قوت يومها يعنى هى ممكن تكون مستلفه الفلوس دى من اى حد لحد لما تشتغل وتنتج , فبدأت ان اعرض الحوار على المدير فتفاجأت بشخص من قاع المجتمع يتكلم معى ألا وهو المدير ويتحدث بأسلوب همجى وكله بلطجة وعربجه وطبعا ألفاظ خارجه وغير أخلاقية وعامل الست الكبيرة بنفس الاسلوب إلى ان الست قالتله حسبي الله ونعم الوكيل وربنا يعوض عليه ووالله يا جماعه لو شفتوا الست دى وهى بتدمع دمعتها دى تسوي ملايين لإن حالتها على قدها وال200 جنيه دول كنز بالنسبه ليها وكتبلها على ظهر الوصل اللى معاه ان هى تروح تستلم الفلوس الباقيه بعد اسبوع ومشيت على كده ويقلى هو نظام الشركة كده واحنا ماشيين عليه والقانون لا يحمى المغفلين ولو مش عاجبك روح القسم وبلغ عنى ووصفلى كمان مكان القسم اللى اروح ابلغ فيه وطبعا المعلم بيتكلم بكل جرأة ليه بقى لأن القسم فى عبه يعنى المعلم ده بيشتغل معاه واحد عقيد وده برضو من المعلومات اللى جمعتها عنهم والناس دى بتشتغل شغل عالى وواسع .
يعنى من كلامه اخبط راسك فى الحيط وقالى بلسانه ان احنا نصابين واللى عندك اعمله وهى الناس عاوزة تاخد 3000 جنيه وهى فى البيت دى الناس دى مغفلين وهبل وقالى دا انا مرتبي 4000 جنيه والكلام ده كله متسجل معايه على التليفون لان انا سجلتله كل كلمه بيقلها ولدرجة ان هو كان بيسب الدين للناس اللى معاه من الاخر بلطجى ومأجرينه يشتغل لحسابهم واكيد انتوا عارفين انا أقصد لحساب مين وده كله على حساب الناس الغلبانه والشعب الطيب والشباب الطموح , وانا طبعا معرفتش اخد معاه حق ولا باطل لإنه بيتكلم بقلب جامد لإنه مسنود من فوق , ويا جماعه لو حد كمل معاه الشغل أسألوهم انتوا بتنتجوا كام قطعه فى الشهر هتلاقى اللى بيقلك 50 قطعه واللى بيقلك 30 وكمان ده بعد عزاب ومصاريف باهظة وغاليه وتعب وتضييع وقت كبير وكمان اصابات يعنى انته اساسا من الاخر لازم تجيب انتاج ب 3000 ج عشان تاخد التأمين بتاعك وانته لو عملت ايه مش هتجيب الانتاج ده لأن اعلى قطعه بياخدها منك ب 5 ج واقل قطعه بنص جنيه وطبعا البلطجى ده مبيخدش منك الشغل كله ,لأ ده بيفصصوا حته حته يعنى ممكن تصفصف معاك على 5 قطع يا خدهم منك وده كله عشان متوصلش للمبلغ اللى المفروض تجيبه عشان تاخد التأمين بتاعك ويفضل يزهق فيك لحد لما انته تخلع وتمشى وتكون خسرت كل حاجه واللعبه مع الناس دى مكشوفه وأنا مستغرب من الجريده اللى بتنزلهم الإعلان بإستمرار وشركات تانيه كتير زيهم فيا جماعه انا حبيت أنزلكوا الموضوع ده لعله يعود بفائده عليكم حتى لا تقعوا بين أيدى النصابين واللى عاوز يتاكد من كلامى ده ممكن يسأل فى المطبعه اللى قصادهم فى 2 هناك عارفين القصص دى كلها بس انا لا أتذكر اسمائهم ولو عاوزين تسمعوا التسجيل بتاع الراجل ده انا هنزلو للناس كلها تسمعوا وده عشان ناخد بالنا من الناس دى .وأنا قررت ان اكتب الموضوع ده بسبب الحاجه الكبيرة اللى انا شفتها وعنيها بتدمع وصعبان عليها اللى حصل معاها ومش هى بس ده اكيد فى أمهات كتير وناس كتير دمعوا قبلها , فأرجوا منكم أن تدعوا للناس اللى بتسعي وتكافح دى بالرزق الحلال وتحاولوا على قد ما تقدروا انكم تساعدوا وتساهموا فى الخير دائما . واللى عاوز يتواصل معايه ويعرف القصه منى شخصيا انا تحت أمره فى اى وقت
والسلام عليكم ورحمة الله وبركاته
رد مع اقتباس
  #2  
قديم 12-26-2015, 08:02 PM
saso sun saso sun غير متواجد حالياً
عضو جديد
 
تاريخ التسجيل: Dec 2015
المشاركات: 3
افتراضي ازي ده

اقتباس : المشاركة الأصلية كتبت بواسطة فاعل خير [ مشاهدة المشاركة ]
بسم الله الرحمن الرحيم
إحذروا من الشركات التى تعمل فى التسويق وتنمية المشروعات الصغيرة
وبالأخص شركة كنوز للتسويق وتنمية المشروعات الصغيرة
باختصار أنا مش هطول عليكوا وأحب أعرف كل اللى هيطلع على المقال ده ان كل كلمة فيه صحيحه وانا والله ليس لي أى مصلحه مع اى طرف وأقسم بالله قل ما هو بالمقال صحيح وذلك بواقع تجربتى
أنا مجرد شاب مصر زى كتير من الشباب اللى ليهم طموحات و أهداف يسعوا الى تحقيقها ولهم طموحات كبيرة بس طول ما انته فى البلد دى انسى وهتفضل محلك سر ، كل اللى حصل معايه ان انا كنت أسعى وابحث عن عمل اضافى لتحسين دخلى المادى وبدأت أسعى فى البحث عن عمل إضافى لا يأخذ منى الوقت الكبير إلى أن ظهر لى إعلان فى جريدة الوسيط ونص هذا الاعلان كالآتى ( فرصة ذهبية أعمل فى منزلك .شركة عالمية تطلب للعمل من المنزل جميع الأعمار لا يشترط التفرغ ولا المؤهل ولا السن للعمل بحرفة يدوية بسيطة تنفذ بالمنزل ودخل شهرى يبدأ من 3000 جنيه ويصل الى 15000 جنيه عقد + تأمين + تثبيت . 0237219878_01090649650_01155117850 ) وعلى فكرة مش شرط الشركه دى بس لا فى شركات زيها كتير بس دى الشركه اللى انا وغيري وقعوا تحت نصبها وسرقتها لفلوسنا عينى عينك وبمساعدة ناس من الشرطة وهتعرفوا ازاى لما تكملوا المقال,
المهم أنا قريت الاعلان ده فالبتالى توجهت للشركة دى وهى اسمها " كنوز " والشركة دى فى فيصل وبالتحديد فى شارع العشرين _أما فرع اتصالات جوه شارع فرعى وأمامها مطبعه ولازم تخدوا بالكو ان الشركة دى كل شويه بتغير اسمها وبتروح مكان تانى بأسم تانى وبحرفة تانيه خالص وبسجل تجارى وبطاقه ضريبية تانيه خالص وبيبتدى نصبهم على الناس من هنا ومن النقطة دى
المهم انا رحت الشركة دى وطلعت الدور التانى لقيت اصطاف كله بنات وطبعا من بره هلا هلا ومن جوه يعلم الله وعامل بوفيه ومدرب بيدرب الناس فمليت ابليكشن ودخلت عملت مقابله مع واحده جوه وطلعت البت حافظه شوية كلام زى الفل وتثبت اى زبون اى كان هو مين والمهم بدأت تعرض عليه كل حاجه لحد لما قالتلى فى عرض نازل لمدة 24 ساعه تدفع 350 ج بدل 700 ودول تأمين المفروض ان انته بتاخدهم اخر الشهر وابقه قابلنى ان انته خدتهم اصلا وهى دى حته النصب ان بيتنصب عليك فى الفلوس دى . المهم قالتلى عشان تلحق العرض ممكن تدفع 10 جنيه تحجز بيهم ودى برضو لعبه حلوة ان هما يدفعوك 10 جنيه عشان لو مجتش تانى يقلك دى رسوم اداريه ويبقى انته اتنصب عليك فى اول عشرة جنيه , وبعد لما تخرج من عندها من المكتب البنات اللى بره بيقلولك خد اقرا الائحة دى وخدوا بالكوا ان الائحه دى اول مصيبه هو بيحطهالك ’ ازاى بقى – الورقة دى فيها ثغرات بنت لذينه بتربطك بحاجات معينه وطبعا اللى كتبهالهم واحد محامى بيشتغل معاهم ولو نظرت على يسارك فى الركن هتلاقى كاميرا بتصورك وانته بتقرا الورقه عشان لما تيجى تثبت حقك يقلك انته قريت الأئحه بتاعتنا والكاميرا مصوراك وكل حاجه انته بتعملها الكاميرات بتصورك , انا طبعا اتحددلى ميعاد تدريب يوم التلات والاربع والخميس وجيت اول يوم ودفعت باقى المبلغ اللى لازم تدفعه قبل التريب وده عشان لو مشيت يخصموا منك الفلوس واليوم تدريب واقف ب 100 جنيه يعنى التلت ايام واقفين ب 300ج وده بالاضافه الى 10 جنيه رسوم اداريه وكل الكلام ده الناس مبتخدش بالها منوا الا لما بتلبس فى الحيط , وحضرت التدريب عادى جدا أول يوم مع مدرب من اسيوط والواد ده عارف ان هما نصابين وهو بيشتغل معاهم لانه فاشل ونصاب زيهم والمهم ان انا حضرت التدريب اول يوم وروحت وجيت تانى يوم عادى جدا لقيت ناس بتسلم شغلها اللى هى عملته قبل كده وبمعنى اصح هما ادوهم عينات من الخامه وقالوا ليهم اعملوا نموذج وتعالو ورونا الشغل وطبعا النموذج ده بيترفض على طول عشان الناس تزهق وتمل وتمشى لان الناس بتكلف مصاريف كتير من جيبها فيزهقوا ويمشوا وطبعا ميخدوش ولا مليم من فلوس التأمين لان هما ماضيين على كده بس من غير ما يحسوا والمهم انا حضرت تانى يوم وانا داخل الأوضه بتاعت التدريب واحده قالتلى بلاش تدخل فى الموضوع ده قلتلها ليه قالتلى اسمع كلامى نصيحه منى وبكرة تقول ام نور قالتلى ياريتنى سمعت كلامها وانا بصراحه الحماسه كانت وخدانى زياده عن اللزوم فقلت لا انا لازم يبقى عندى حافز ومليش دعوة بغيري فدخلت حضرت المحاضرة التانيه والمهم لما خرجت قعدت مع الناس اللى بره اللى هما جايبين عينه عشان يوروهالهم لقيت الناس بتقلقنى اكتر فالمهم انا شغلت مخى شويه وياريتنى شغلته من بدري وقعدت أسأل الناس كلها وأجمع معلومات من هنا ومن هنا وألاحظ ان الواد بتاع البوفيه بيتجسس ع الناس ويسمع هما بيقولوا ايه ويروح يبلغ يعنى من الاخر شغال عصفورة ومش هو بس لأ ده المدرب وشوية البنات اللى شغالين هناك , ولاحظت حاجات كتير غلط الى أن بدأت من هنا مشكلتى الحقيقية وظهور الشركة على حقيقتها ألا وهى إن انا طلبت ان انا مكملش الشغل معاهم قالوا خلاص لو مش هتكمل هنخصم منك 200 ج وذلك نظير يومان تدريب بواقع عدد ساعتين فى اليومين يعنى الساعه ب 100 جنيه والحسابه بتحسب , وده كان الفخ اللى انا وغيري وقعوا فيه ان هما اساسا شغالين عشان خاطر الفلوس بتاعت التأمين دى وينصبوا على الناس ويخدو منهم الفلوس دى , والمهم طلبت انى اقابل مدير الشركه المسؤال وبالفعل قابلته ولما دخلت عليه انا ووحده ست كبيرة فى السن كانت عاوزة تخرج من الموضوع ده ولا تملك قوت يومها يعنى هى ممكن تكون مستلفه الفلوس دى من اى حد لحد لما تشتغل وتنتج , فبدأت ان اعرض الحوار على المدير فتفاجأت بشخص من قاع المجتمع يتكلم معى ألا وهو المدير ويتحدث بأسلوب همجى وكله بلطجة وعربجه وطبعا ألفاظ خارجه وغير أخلاقية وعامل الست الكبيرة بنفس الاسلوب إلى ان الست قالتله حسبي الله ونعم الوكيل وربنا يعوض عليه ووالله يا جماعه لو شفتوا الست دى وهى بتدمع دمعتها دى تسوي ملايين لإن حالتها على قدها وال200 جنيه دول كنز بالنسبه ليها وكتبلها على ظهر الوصل اللى معاه ان هى تروح تستلم الفلوس الباقيه بعد اسبوع ومشيت على كده ويقلى هو نظام الشركة كده واحنا ماشيين عليه والقانون لا يحمى المغفلين ولو مش عاجبك روح القسم وبلغ عنى ووصفلى كمان مكان القسم اللى اروح ابلغ فيه وطبعا المعلم بيتكلم بكل جرأة ليه بقى لأن القسم فى عبه يعنى المعلم ده بيشتغل معاه واحد عقيد وده برضو من المعلومات اللى جمعتها عنهم والناس دى بتشتغل شغل عالى وواسع .
يعنى من كلامه اخبط راسك فى الحيط وقالى بلسانه ان احنا نصابين واللى عندك اعمله وهى الناس عاوزة تاخد 3000 جنيه وهى فى البيت دى الناس دى مغفلين وهبل وقالى دا انا مرتبي 4000 جنيه والكلام ده كله متسجل معايه على التليفون لان انا سجلتله كل كلمه بيقلها ولدرجة ان هو كان بيسب الدين للناس اللى معاه من الاخر بلطجى ومأجرينه يشتغل لحسابهم واكيد انتوا عارفين انا أقصد لحساب مين وده كله على حساب الناس الغلبانه والشعب الطيب والشباب الطموح , وانا طبعا معرفتش اخد معاه حق ولا باطل لإنه بيتكلم بقلب جامد لإنه مسنود من فوق , ويا جماعه لو حد كمل معاه الشغل أسألوهم انتوا بتنتجوا كام قطعه فى الشهر هتلاقى اللى بيقلك 50 قطعه واللى بيقلك 30 وكمان ده بعد عزاب ومصاريف باهظة وغاليه وتعب وتضييع وقت كبير وكمان اصابات يعنى انته اساسا من الاخر لازم تجيب انتاج ب 3000 ج عشان تاخد التأمين بتاعك وانته لو عملت ايه مش هتجيب الانتاج ده لأن اعلى قطعه بياخدها منك ب 5 ج واقل قطعه بنص جنيه وطبعا البلطجى ده مبيخدش منك الشغل كله ,لأ ده بيفصصوا حته حته يعنى ممكن تصفصف معاك على 5 قطع يا خدهم منك وده كله عشان متوصلش للمبلغ اللى المفروض تجيبه عشان تاخد التأمين بتاعك ويفضل يزهق فيك لحد لما انته تخلع وتمشى وتكون خسرت كل حاجه واللعبه مع الناس دى مكشوفه وأنا مستغرب من الجريده اللى بتنزلهم الإعلان بإستمرار وشركات تانيه كتير زيهم فيا جماعه انا حبيت أنزلكوا الموضوع ده لعله يعود بفائده عليكم حتى لا تقعوا بين أيدى النصابين واللى عاوز يتاكد من كلامى ده ممكن يسأل فى المطبعه اللى قصادهم فى 2 هناك عارفين القصص دى كلها بس انا لا أتذكر اسمائهم ولو عاوزين تسمعوا التسجيل بتاع الراجل ده انا هنزلو للناس كلها تسمعوا وده عشان ناخد بالنا من الناس دى .وأنا قررت ان اكتب الموضوع ده بسبب الحاجه الكبيرة اللى انا شفتها وعنيها بتدمع وصعبان عليها اللى حصل معاها ومش هى بس ده اكيد فى أمهات كتير وناس كتير دمعوا قبلها , فأرجوا منكم أن تدعوا للناس اللى بتسعي وتكافح دى بالرزق الحلال وتحاولوا على قد ما تقدروا انكم تساعدوا وتساهموا فى الخير دائما . واللى عاوز يتواصل معايه ويعرف القصه منى شخصيا انا تحت أمره فى اى وقت
والسلام عليكم ورحمة الله وبركاته

رد مع اقتباس
  #3  
قديم 12-26-2015, 08:04 PM
saso sun saso sun غير متواجد حالياً
عضو جديد
 
تاريخ التسجيل: Dec 2015
المشاركات: 3
افتراضي مين و فين

فعلا صح
رد مع اقتباس
  #4  
قديم 12-26-2015, 09:07 PM
saso sun saso sun غير متواجد حالياً
عضو جديد
 
تاريخ التسجيل: Dec 2015
المشاركات: 3
افتراضي رد: ازي ده

السلام عليكمردى على الاستاذ فاعل خير كل الى قولته تمام وعن تجربه شخصيه وتجارب كتير من السيدات التى قابلتهم عند هده الشركه النصابه ومنهم 3 سيدات من البحيرهمنهم من باعت حلق ابنتها ومنهم من استلفت ال 350 جنيه على امل انهم يسددو من المكسب الزائف واعرف غيرهم كتير حسبنا الله ونعم الوكيم فىصاحب الشركه وفى امثاله من النصابين بس ده مش الحل اتمنا ان نتكاتف ونحاول ايقاف هده الشركه من استقطاب الاخريات من الغلابه الى كل حلمهم فى5 جنيه زياده على دخلهم اليومى اقسم بالله ان سيده منهم من احلمها ان تشترى احذيه او ملابس لاولاده وتساعد زوجها على غلاء المعيشه ارجو ان هذه الرساله تجد صدى وانا على اتم الاستعدادلاى رد فعل والاسلام عليكم ورحمه الله وبركاته
رد مع اقتباس
  #5  
قديم 03-09-2017, 02:22 PM
ابو يوسف ابو يوسف غير متواجد حالياً
عضو جديد
 
تاريخ التسجيل: Mar 2017
المشاركات: 1
حزين رد: شركة كنوز للتسويق وتنمية المشروعات الصغيرة (احذروا منها ومن غيرها )

الاخ فاعل خير
جزاك الله كل خير
والله انا لسه انهارده من حوالي ساعتين روحت ونفس الكلام اللي انت قلته فعلا حصل معايا لكن حاجه من عند ربنا حسستني بالقلق واقسم بالله كان كل اللي ف جيبي حوالي 70جنيه وفكرت اني اديهم منها 20جنيه ع اساس الفرصه ماتضيعش ولكني تراجعت واول ماروحت البيت كنت ف حيره وبحكي لزوجتي اللي حصل ف المقابله وعرضت عليا اننا نستلف ال 350 ع اساس ربنا يسهلها ويكون ف خير ونويت اصلي صلاه استخاره وبعدها امشي ف الموضوع وقبل ماصلي ولا اتحرك من مكاني جت ف دماغي اعمل سيرش باسم شركه كنوز ولقييت مشاركتك بالفعل ولولا فضل الله وستره وانو ربنا جعلك سبب كان ممكن اكون واحد من المنصوب عليهم
جزاك الله كل خير
ولو حد يعرف حل قانوني ياريت يقول هاننقذ ناس كتير
وانا ان شاء الله ع استعداد المساعده باي شئ اقدر عليه
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.6
Copyright ©2000 - 2017, Jelsoft Enterprises Ltd منتديات
Ads Management Version 3.0.1 by Saeed Al-Atwi